Қазақстан Республикасының Үкiметi  ҚАУЛЫ ЕТЕДI:
      1. Қоса берiлiп отырған Қазақстан Республикасының Үкiметi мен Бiрiккен Ұлттар Ұйымының Даму Бағдарламасы арасындағы "Су ресурстарын бiрiгiп басқару және Қазақстан Республикасы үшiн суды үнемдеу жөнiндегi ұлттық жоспар" жобасы бойынша келiсiм (бұдан әрi - Келiсiм) мақұлдансын.
      2. Қазақстан Республикасы Ауыл шаруашылығы министрлiгi Су ресурстары комитетiнiң төрағасы Анатолий Дмитриевич Рябцевке қағидаттық сипаты жоқ өзгерiстер мен толықтырулар енгiзуге рұқсат бере отырып, Қазақстан Республикасы Үкiметiнiң атынан Келiсiмге қол қоюға өкiлеттiк берiлсiн.
      3. Осы қаулы қол қойылған күнiнен бастап қолданысқа енгiзiледi.

       Қазақстан Республикасының
      Премьер-Министрі

Қазақстан Республикасының Үкiметi
Бiрiккен Ұлттар Ұйымының Даму Бағдарламасы

(Мемлекеттік тулардың суретін қағаз мәтіннен қараңыз)

Қазақстан Республикасы Ауыл шаруашылығы министрлiгiнiң
Су ресурстары комитетiмен,
Жаhандық су әрiптестiгiмен,
Норвегия Үкiметiмен
ынтымақтастықта

  ҚАЗАҚСТАН РЕСПУБЛИКАСЫНЫҢ ҮКIМЕТI МЕН БIРIККЕН ҰЛТТАР ҰЙЫМЫНЫҢ ДАМУ БАҒДАРЛАМАСЫ АРАСЫНДАҒЫ "СУ РЕСУРСТАРЫН БIРIГIП БАСҚАРУ
ЖӘНЕ ҚАЗАҚСТАН РЕСПУБЛИКАСЫ ҮШIН СУДЫ ҮНЕМДЕУ
ЖӨНIНДЕГI ҰЛТТЫҚ ЖОСПАР" ЖОБАСЫ БОЙЫНША
КЕЛIСIМ

Жоба:      00034289
Ұсыныс:    00033156

  Қазақстанға даму             UNDAF 1 нәтиже: Мемлекеттiк және өңiрлiк
мақсаттарына қол жеткiзуге   деңгейлерде кедейшiлiк деңгейiн төмендету
қолдау көрсету жөнiндегi
БҰҰ-ның Негiздемелiк
бағдарламасының
нәтижелерi (UNDAF):

                             ЕБ 2 нәтиже: Тұрақты дамуға арналған кешендi
БҰҰДБ-нiң Елдiк              тәсiл мемлекеттiк дамуды жоспарлауға енгiзiледi
бағдарламасына (ЕБ) сәйкес   және кедейшiлiкпен байланысты
күтiлетiн ұлттық нәтижелер:

                             Үкiмет, донорлар, азаматтық қоғам және су
БҰҰДБ қызметiнiң күтiлетiн   ресурстарын басқару саласындағы жекеменшiк
нәтижесi                     секторы арасындағы кеңейтiлген ынтымақтастық:
                             су ресурстарын басқару қағидаттары ұлттық
                             тұрақты даму саясатына енгiзiлдi
 
                               Қазақстан Республикасы Ауыл шаруашылығы
Негiзгi орындаушы:           министрлiгiнiң Су ресурстары комитетi

Жауапты тарап:               Қазақстан Республикасы Ауыл шаруашылығы
                             министрлiгiнiң Су ресурстары комитетi

Басқа да негiзгi әрiптестер: Қазақстан Республикасы Ауыл шаруашылығы
                             министрлiгi, Қазақстан Республикасы Экономика
                             және бюджеттiк жоспарлау министрлiгi,
                             Ұлыбританияның Халықаралық даму министрлiгi
                             (DFID)      

  1-бөлiм. Негiзгi ережелер 1-бап. Жағдайды талдау

      1. Су ресурстарын бiрiккен басқару (СРИБ) тұжырымдамасы өткен ғасырдың 90-шы жылдары және осы мыңжылдықтың алғашқы жылдары негiзгi халықаралық конференцияларда талқыланды. 2002 жылғы Орнықты даму жөнiндегi дүниежүзiлiк саммиттiң (ОДДС) директивасы оның қорытындысы болып табылды, онда барлық елдердiң дамушы елдерге қолдау көрсете отырып, 2005 жылға қарай СРББ және суды үнемдеу жоспарларын әзiрлеуге мiндеттi екендiгi айтылды. Жаhандық су әрiптестiгi (ЖСӘ) көптеген елдердiң мұндай жоспарларды дайындау үдерiсi туралы жеткiлiксiз хабардар болмауына байланысты, осы директиваға қол жеткiзудiң қиын болуы мүмкiн екендiгiн мойындады. Сондықтан ЖСӘ СРББ және суды үнемдеу жоспарларын дайындауға қолдау көрсетедi және бiрнеше басшылық және көмекшi құжаттар жариялады.
      СРББ және суды үнемдеу жоспарының мазмұны институционалдық, қаржылық және технологиялық өзгерiстердi қамтитын кең ауқымды болуға тиiс. СРББ және суды үнемдеу жоспары СРББ қағидаттарын енгiзуге тиiс және 2007 жылдың 4-тоқсанына дейiнгi белгiленген мерзiмде әзiрленуге тиiс. Қазақстан Дүниежүзiлiк Саммиттiң директивасы аясында ОДДС директивасына қол қойды.
      2. 2003 жылы Қазақстанның жаңа Су кодексi қабылданды, бұл бұрынғы су заңнамасымен салыстырғанда, СРББ-ға қол жеткiзу жолындағы маңызды қадам болып табылды. Қазақстанда iске асырылып жатқан СРББ қағидаттарының бiрi өзен бассейнi деңгейiндегi су ресурстарын басқару қағидаты болып табылады. Осы қағидаттарды негiзге ала отырып, Қазақстан Республикасы Ауыл шаруашылығы министрлiгiнiң Су ресурстары комитетi (СРК) СРББ және суды үнемдеу жөнiндегi бiрiншi ұлттық жоспарды дайындауға дайын. Су бассейнi су ресурстарын басқарудың басты бiрлiгi болып табылатындығы фактiсi назарға алына отырып, кейiннен Қазақстанның сегiз су бассейнiне арналған СРББ және суды үнемдеудiң бассейндiк жоспары (СРБББЖ) жоспарлары дайындалатын болады.
      3. СРББ тұжырымдамасы Қазақстан үшiн жаңа тұжырымдама болып табылады және СРК СРИБСЖ дайындауда техникалық қолдауды қажетсiнедi. СРББ сияқты тәсiл - дәстүрлi тәсiлдермен салыстырғанда неғұрлым тиiмдi әрi ұтымды тәсiл - елдiң су шаруашылығы дамуының: су денсаулық үшiн, тағам үшiн, энергия үшiн, қоршаған орта үшiн негiзгi проблемаларын шешуге бағытталған.
      4. СРИБ-нiң екiншi басты қағидаты - басқару үдерiсiне мүдделi тараптардың белсендi тартылуы. Қазақстанда мүдделi тараптардың қатысуының негiзгi аспектiсi - бұл Су кодексiнде бекiтiлген ережелердi енгiзу арқылы Бассейндiк кеңестер (БК) құру. Шешiмдер қабылдау процесiне мемлекеттiк емес және қоғамдық ұйымдарды тарту Қазақстан үшiн жаңа тәжiрибе болып табылады. СРК, Бассейндiк су шаруашылығы басқармасы (БСБ) арқылы, БК құруға жауапты болады.
      БК құру СРБББЖ ережелерiн енгiзудiң құрамдас бөлiгi болып табылады. Жоба БК құруда СРК мен БСБ-ға техникалық қолдау көрсетедi.
      5. Мыңжылдықтың даму мақсаттары (МДМ) әлемдегi жол берiлмейтiн кедейшiлiк деңгейiн төмендету үшiн қабылданған болатын. Сумен жабдықтау мәселесi Сумен жабдықтау жөнiндегi мақсаттарға қол жеткiзудi қалған барлық мақсаттарды орындау үшiн аса маңызды ете отырып, 7 МДМ-да және олардың 11 мiндеттерiнiң барлығында ескерiледi. ОДДС-тiң одан арғы нәтижесi болып сумен жабдықтау жөнiндегi МДМ-ға санитария мәселесiн енгiзу болды (10 мiндет), өйткенi сумен жабдықтау мен санитария тығыз байланыста болуға тиiс деп шешiлдi. Бiрiккен Ұлттар Ұйымының (БҰҰ) Қазақстандағы МДМ бойынша есебi (2002) сумен жабдықтау және санитария жөнiндегi 10 мiндетке қол жеткiзудi ең соңғы мерзiмге, 2015 жылға "ықтимал" ретiнде бағалайды. Демек, тиiмдi қолдау кезiнде Қазақстан қалған МДМ-ларға қол жеткiзуге ықпал ететiн сумен жабдықтау және санитария мақсатын орындауға қабiлеттi. 2002-2010 ¹ жылдардағы кезеңге арналған "Ауыз cу" бағдарламасы басты жетi басымдықты айқындады, оларды негiзге ала отырып, СРК осы жобаның көмегiмен Қазақстанға арналған сумен жабдықтау және санитария жөнiндегi МДМ-ға қол жеткiзудiң стратегиясын әзiрлеудi аяқтайды. Қалған осыған ұқсас үкiметтiк бастамалар - "Қазақстан-2030" стратегиясы, Қазақстан Республикасы экономикасының су секторын дамытудың және су шаруашылығы саясатының 2010 жылға дейiнгi тұжырымдамасы, Қазақстан Республикасының индустриалық-инновациялық даму стратегиясы және 2003 жылғы Су кодексi.
      6. ҚР СРБББЖ өңiрлiк тұрғыдан алғанда, Орталық Азияда бiрiншi болып табылады. Бұл сондай-ақ өңiрдегi сумен жабдықтау және санитария жөнiндегi МДМ-ға қол жеткiзудiң бiрiншi бағдарламасы болуы да мүмкiн. СРБББЖ-ны әзiрлеу мен бекiтудiң қазақстандық тәжiрибесiн, сондай-ақ сумен жабдықтау және санитария жөнiндегi МДМ-ға қол жеткiзу бағдарламасын кейiннен Орталық Азияның басқа да елдерi ескеруi мүмкiн.
_________________
¹ ҚР Үкіметінің 2002 жылғы 23 қаңтардағы шешімі.

  2-бап. Стратегия

      1. Йоханнесбург декларациясына қол қоя отырып, Қазақстан Yкiметi СРББ қағидаттарын құру жөнiнде мiндеттеме алды. Ол сондай-ақ мыңжылдық декларациясына қол қоя отырып, мыңжылдықтың даму мақсаттарына қол жеткiзу жөнiнде мiндеттеме алды. Осы екi мiндеттеме "Қоршаған ортаның орнықтылығына кепiлдiк беру" 7-мақсаты, атап айтқанда, "2015 жылға таза ауыз суға (ендi санитарияны да қоса алғанда) тұрақты қол жеткiзе алмайтын адамдардың үлесiн екi есе азайту" 10-мiндетi арқылы байланысады және "ұлттық стратегиялар мен бағдарламаларға орнықты даму қағидаттарын енгiзу және табиғи ресурстарды жоғалту үдерiсiн керi бұру" 9-мiндетiне өз үлесiн қосады.
      2. 2002 жылғы қаңтарда Қазақстан Үкiметi Қазақстанның 2030 ² жылға дейiнгi Даму стратегиясының орындалуын қолдау мақсатында Қазақстан Республикасы экономикасының су секторын дамытудың және су шаруашылығы саясатының 2010 жылға дейiнгi тұжырымдамасын (бұдан әрi - Тұжырымдама) бекiту шешiмiн қабылдады. Тұжырымдаманың басты мақсаты су ресурстарын сақтау және тиiмдi пайдалану жөнiндегi негiзгi шараларды айқындаудан тұрады. Тұжырымдама Қазақстандағы заңдық базаны жақсарту үшiн, сондай-ақ су бағдарламалары мен iс-қимылдарды, кешендi су пайдаланудың схемаларын, инвестициялық жобаларды және басқа да құжаттарды дамыту үшiн пайдаланылады. Өз нәтижелерiмен Жоба басқа үкiметтiк бағдарламаны, су ресурстары жөнiндегi құрамдас бөлiктердi қамтитын Қазақстан Республикасының 2003-2015 жылдарға арналған индустриалды-инновациялық стратегиясын, Елдiң минералдық-шикiзат кешенiнiң ресурстық базасын дамытудың 2003 - 2010 жылдарға арналған бағдарламасын жүзеге асыруға ықпал ететiн болады.
______________
² "Қазақстанның 2030 жылға дейінгі Даму Стратегиясын енгізудің кейінгі шаралары туралы" ҚР Президентінің Жарлығы, 2000 жылғы 17 ақпанда мақұлданған.

      3. Ұсынылып отырған жоба СРК-нiң күш-жiгерiн қолдайды және төменде келтiрiлген нәтижелерге қол жеткiзуге бағытталатын болады. Жобаның нәтижелерi мен ресурстары құрылымының егжей-тегжейлi сипаттамасы 1-қосымшада, бюджеттiң сипаттамасы 2-қосымшада және жобаның жыл сайынғы жұмыс жоспары 3-қосымшада берiлген.
      3.1. 1-нәтиже - СРББ және суды үнемдеу жөнiндегi ұлттық және бассейндiк жоспарлар/стратегиялар әзiрлендi.
      Осы кезең Қазақстанда СРББ практикасын алдымен мемлекеттiк деңгейде, содан кейiн өзен бассейндерi деңгейiнде алғаш енгiзу болып табылады. СРББ және суды үнемдеу жөнiндегi ұлттық және бассейндiк жоспарлар/стратегиялар СРББ қандай үлгiде бүкiл ел бойынша су ресурстарын басқаруда бiрден-бiр тәсiл болатынын айқындайды және егжей-тегжейлi көрсетедi. СРББ және суды үнемдеудiң ұлттық және бассейндiк жоспарларын/стратегияларын әзiрлеу фактiсiнiң өзi СРК, БСБ, ГЖПК және оның аумақтық бөлiмшелерi және су қорын пайдалану мен қорғау саласында әрекет ететiн басқа да ұйымдар техникалық персоналының бiлiктiлiгiн арттыруға мүмкiндiк бередi.
      Ұлттық жоспарды дайындауға негiзгi жауапкершiлiктi СРК мойнына алады. СРК жоспарды дайындап, оны Қазақстан Үкiметiне бекiтуге ұсынады. Одан әрi жоспарды жүзеге асыру үшiн жауапкершiлiк СРК арқылы Қазақстан Үкiметiне жүктеледi. Су ресурстарын басқару өмiрдiң барлық аспектiлерiне қатысты болғандықтан, басқа министрлiктер де бұған шындап қатысады. Атап айтқанда бұл министрлiктерге мыналар жатады:
      Экономика және бюджеттiк жоспарлау министрлiгi
      Энергетика және минералдық ресурстар министрлiгi
      Төтенше жағдайлар министрлiгi
      Қаржы министрлiгi
      Қоршаған ортаны қорғау министрлiгi
      Денсаулық сақтау министрлiгi
      Сыртқы iстер министрлiгi.
      СРБББЖ Қазақстанда СРББ-ны жүзеге асыру үшiн ұлттық деңгейде қажеттi iс-әрекеттердi сипаттайды. Кейiннен Жоба шеңберiнде барлық сегiз өзен бассейнiне арналған СРББ және суды үнемдеудiң бассейндiк жоспары (СРБББЖ) дайындалатын болады, бұлар БСБ құжаттары болып табылады және бассейндердiк басқару деңгейiнде СРББ құру жөнiндегi жұмыстың егжей-тегжейлi сипаттамасын қамтитын болады.
      Жобаның бастапқы кезеңiнде СРББ жөнiндегi жұмыс құжаттары дайындалды. Жұмыс құжаттары СРББҰЖ-ны әзiрлеу мен жүзеге асырудың артықшылықтары мен кедергiлерiн көрсеттi, сондай-ақ жұмыстарды орындау кестесiн ұсынады. СРББҰЖ мен СРБББЖ әзiрлеу жөнiндегi жұмыстардың негiзгi кезеңдерi мен кестесi төменде ұсынылған.
      3.1.1. СРББҰЖ дайындаудың негiзгi кезеңдерi:
      1) су ресурстарын басқарудағы қазiргi жағдайды, суды пайдаланудың тиiмдiлiгiн, шешiмдер қабылдау әдiстерiн және олардың iске асырылу деңгейiн сипаттау;
      2) су ресурстары секторындағы елдiң ұзақ мерзiмдi мақсаттары: ресурстардың сапасын, оларды пайдаланудың тиiмділігiн, шешiмдер қабылдау үдерiсiн және т.б. сипаттау;
      3) негізгi кезеңдердi, уақытша шеңберлердi, өзгеру көрсеткiштерiн және т.б. - басқаша айтқанда, "көшу стратегиясын көрсете отырып, қазiргi жағдайдан болашаққа өту тетiгiн сипаттайтын iс-шаралар жоспары.
      3.1.2. СРББҰЖ дайындау кестесi:
      1) 2005 жылғы маусым-тамыз - СРББҰЖ ұсыну және талқылау үшiн сарапшыларды, үкiметтiк мекемелердi және жұртшылықты тарта отырып, бiрқатар форумдар өткiзiледi;
      2) 2005 жылғы қазан - оны жүзеге асыруға арналған 2006 жылғы ақпанда ұсынылуы қажет кейбiр шығындар бюджетке енгiзiлiп қоюы үшiн СРББҰЖ-ның алдын ала нұсқасы әзiрленді;
      3) 2005 жылғы желтоқсан - СРББҰЖ-дың бiрiншi редакциясы әзiрлендi;
      4) 2005 жылғы қараша - СРББҰЖ үшiн сияқты кезең дәйектiлiгiмен сегiз СРБББЖ дайындау басталды;
      5) 2006 жылғы наурыз - Мексикадағы 4-шi Дүниежүзiлiк су форумы министрлiктер басшыларының конференциясында СРББҰЖ-ның тұсаукесерi.
      6) 2006 жылғы қазан - СРББҰЖ-ның екiншi редакциясын мүдделi министрлiктер мен ведомстволарға ұсыну;
      7) 2007 жылғы қазан - СРББҰЖ-ның қорытынды редакциясын Қазақстан Республикасының Үкiметiне бекiтуге ұсыну;
      8) 2007 жылғы маусым - БСБ-ның практикадағы жылдық есебiн ауыстыра алатын сегiз СРБББЖ әзiрлеудi аяқтау.
      3.1.3. Жоба аяқталғаннан кейiн СРББҰЖ-ны iске асырудың негiзгi алғы шарттары:
      1) СРК және БСБ-нiң әлеуетi - әлеуеттi арттыру Жобаны қаржыландыру кезiнде және СРББҰЖ-ға енгiзiлген, жүзеге асыру қажет болатын кейiнгi шаралар кезiнде жүзеге асырылатын болады. СРББҰЖ сондай-ақ СРК және БСБ-нiң мәртебесiн арттыру қажеттiлiгiнiң негiздемесiн қамтитын болады. Әлеуеттiң арта түсуi негiзiнен штат санының айтарлықтай өсуiнен, техникалық және басқару буынына арналған тренингтерден, жабдық сатып алу мен бюджеттi ұлғайтудан көрiнедi;
      2) басқа ұйымдардың әлеуетi - су ресурстарымен байланысты салаларда (қоршаған ортаны қорғау, денсаулық сақтау, жер қойнауын зерттеу мен пайдалану және т.б.) жұмыс iстейтiн ұйымдардың әлеуетiн күшейту қажет болады;
      3) Қазақстан Үкiметiнiң СРББҰЖ-ны бекiтуi және жүзеге асыруды бастауы - СРК Үкiметтiң қолдауынсыз, министрлiктердiң және басқа да үкiметтiк ұйымдардың арасындағы қызметтердiң үйлестірiлуiнсiз СРББҰЖ-ны жүзеге асыра алмайды. СРББҰЖ-ның белгiлi бiр кезеңдерiн қолдау үшiн Су кодексiне толықтырулар мен өзгерiстер енгiзу қажет болады және Үкiмет мұндай түзетулердi енгiзуге ықпал етуге тиiс болады;
      4) қаржыландыру - СРББҰЖ-ны тиiстi қаржыландырусыз жүзеге асыру мүмкiн болмайды.
      3.2. 2-нәтиже - Қазақстанның сегiз өзен бассейнiнде Бассейндiк кеңестер құрылған.
      СРББ-нiң басты екi қағидаты - бұл өзен бассейнi деңгейiнде су ресурстарын басқару және су ресурстарын басқаруға мүдделi тараптардың белсендi тартылуы. Бассейндiк кеңестер (БК) немесе оның баламасы - бассейндiк деңгейде су пайдаланушылардың мүдделерiн бiлдiрудiң мейiлiнше тиiмдi тетiгi екендiгi жалпыға бiрдей белгiлi. БК-дi құру қажеттiлiгi Қазақстанда мойындаған және Су кодексiмен бекiтiлген, 43-бап.
      Жоба БК құруда БСБ-ға қолдау көрсететiн болады. Балқаш-Алакөл және Нұра-Сарысу өзен бассейндерi Кеңестi құруға жұмылдырылған мүдделi тараптарды жұмылдыруға үздiк тәсiлдi анықтау үшiн пилоттық бассейндер ретiнде белгiлендi. БСБ, ГЖПК-нiң өздерi және басқа да мүдделi ұйымдар Қазақстанда СРББ практикасын енгiзуге үлес қосады, сондай-ақ өзiнiң ұйымдастырушылық әлеуетiн күшейтедi.
      Жобаның дайындалу кезеңiнде БК құру жөнiнде екi Жұмыс құжаты дайындалды. Оларда Қазақстанда БК қандай үлгiде құрылуы мүмкiн екендiгi және олар қандай қаржылық шығындарға әкелетiнi жұмсалатындығы егжей-тегжейлi сипатталады, сондай-ақ сегiз бассейнде БК құрудың кестесi ұсынылады. БС құрудың негiзгi кезеңдерi мен кестесi төменде көрсетiлген.
      3.2.1. БК құрудың негiзгi кезеңдерi:
      1) БК ықтимал мүшелерiнiң алдын ала құрамын (мемлекеттiк және үкiметтiк емес ұйымдар, су пайдаланушылар, жеке кәсiпорындар және т.б.) белгiлеу;
      2) ықтимал мүшелердiң арасында БК бойынша негiзгi ақпаратты тарату;
      3) БК-нiң рөлi, мәртебесi мен маңыздылығы туралы хабардар ету және консультация жүргiзу үшiн аудандық деңгейде сапарлар мен кездесулер ұйымдастыру;
      4) бассейндiк кеңесте жергiлiктi қажеттiлiктi және БК құруда және оларды одан әрi нығайтуда көмектесуi мүмкiн жергiлiктi өкiлдердi айқындау;
      5) БК-нiң тиiмдi жұмыс iстеуiн қамтамасыз етуге себепшi болатын және тұрақты жұмыс iстеу тетiктерiн әзiрлеу;
      6) БК-нiң ықтимал мүшелерiне консультация беру және оларды iрiктеу;
      7) ықтимал мүшелермен БК құру бойынша алғашқы кездесудi дайындау және оны өткiзу;
      8) БК-нiң құрылтай құжаттарын оның мүшелерiмен кейiннен талқылау;
      9) БК-нiң бiрiншi отырысы;
      10) Жоба бойында БК мүшелерiне арналған тренингтер мен консультацияларды ұдайы өткiзiп тұру.
      Қосымша ретiнде, жұртшылықты БК деген не және ол су ресурстарын басқару мен су пайдаланушыларға қалай ықпал етуi мүмкiндiгi туралы хабардар етуге бағытталған бағдарлама жоспарланған. Бұл бағдарлама ықтимал қатысушыларға жұртшылық пен мемлекеттiк емес ұйымдар тарапынан көмек тарту үшiн арналған.
      БК құру Қазақстан үшiн жаңа практика болып табылады. Халықаралық тәжiрибенiң болуына қарамастан, БК құру үдерiсi Қазақстан үшiн ерекше болады. Сондықтан, БК құру "тәжiрибе жүзiнде үйрену" қағидаты бойынша жүргiзiлуге тиiс.
      3.2.2. БК құрудың кестесi:
      1) 2005 жылғы маусым - Балқаш-Алакөл өзен бассейнiне мүдделi тараптардың БК құруды талқылауға арналған бiрiншi кездесуi өттi;
      2) 2005 жылғы қыркүйек - Балқаш-Алакөл БК-нiң бiрiншi ресми отырысы болды;
      3) 2006 жылдың аяғы - қалған алты БК-нiң бiрiншi ресми кездесулерi белгiлендi;
      4) 2007 жылғы шiлде - Жайық-Каспий БК-нiң ресми отырысы.
      3.2.3. БК-нiң табысты жұмыс iстеуi үшiн қажеттi негiзгi алғышарттар:
      1) БСБ мен СРК-нiң белсендi қатысуы - БСБ-ның БК құру мақсаттары мен қажеттiлiгiне қатысты ұстанымы жоқ. Басқа елдердiң тәжiрибесi БК-нi құрудың артықшылықтары мен тиiмдiлiгiн оған қатысушылар жеткiлiктi түсiнгенде ғана оның дербес ұйым болатындығын көрсетедi;
      2) үкiметтiк емес ұйымдарды тарту - БК және олардың қоғам үшiн маңызы туралы жұртшылыққа ақпарат беруде қиындықтар бар, бұл жұртшылықты тартуды қиындатуы мүмкiн. Егер БК тағы бiр мемлекеттiк мекеме болып қалыптасса, олар ерекше маңызға ие болмайды;
      3) қаржыландыру - БК-нi қолдау құны жоғары болмайды. Алайда белгiлi бiр шығыстар болады, олардың орнын толтыру қажет. Қазiргi кезде БК БСБ бюджеттерiнен қаржыландырылатын болады деген пiкiр бар, бiрақ бұл бюджеттердiң қазiрдiң өзiнде аздығы сонша, БК-нi қолдауды айтпағанның өзiнде, БСБ өзiнiң негiзгi функцияларын тиiмдi орындай алмай отыр. БК заңмен көзделгендiктен, Үкiмет олардың құрылуы мен олардың жұмыс iстеуiн қамтамасыз етуге жауапты болады, яғни ол БК-нiң қосымша қаржыландырылуын БСБ арқылы немесе қандай да бiр өзге тәсiлмен бекiтуге мiндеттi.
      3.3. 3-нәтиже Сумен жабдықтау және санитария жөнiндегi МДМ-ға қол жеткiзу бағдарламасы әзiрленген.
      МДМ-ға қол жеткiзу барлық тараптар: БҰҰДБ, ЖСӘ, Қазақстан Yкiметi және су бастамашылығындағы басқа да әрiптестер үшiн қалаулы нәтиже болып табылады. МДМ-ға қол жеткiзудегi бiрiншi проблема айтарлықтай қаржы салымдарын көздейтiн iрi жобаларды жоспарлаудың әлсiз ұйымдық әлеуетiнде болып отыр. Сумен жабдықтау және санитария жөнiндегi МДМ - бұл, негiзiнде, инфрақұрылыммен байланысты жұмыс, өйткенi жұртшылықты сумен қамтамасыз ету үшiн нақты инженерлiк және техникалық жұмыстар қажет; дегенмен мүдделi тараптар мен жұртшылықтың белсендi қатысуы сияқты құрауыштың да маңыздылығы кем емес.
      Сумен жабдықтау және санитария бойынша МДМ-ға қол жеткiзу бағдарламасы (бұдан әрi - Бағдарлама) - МДМ-ға қол жеткiзу үдерiсiндегi алғашқы әрi аса маңызды қадам. Онда МДМ-ға қол жеткiзудiң барлық аспектiлерi, қаржыландыру тетiктерi және мiндеттердi белгiленген мерзiмде кезеңмен орындау егжей-тегжейлi қарастырылады. Бағдарламаны дайындау. сондай-ақ CPК, БСБ, ГЖПК, құрылатын БК және басқа да ұйымдардың әлеуетiн күшейтуге көмектеседi.
      Бағдарлама СРК-тiң құжаты болып табылады. Бағдарламамен жұмыс аяқталғаннан кейiн СРК оны мақұлдау және қабылдау үшiн Қазақстан Yкiметiне ұсынады, бұдан кейiн Бағдарлама Yкiметтiң құжаты болады. Қазақстан Yкiметi оның СРК арқылы жүзеге асырылуына жауапты болады. Нақты министрлiктер мен жалпыұлттық та, сондай-ақ жергiлiкті маңызы бар мемлекеттік ұйымдар да Бағдарламаның жүзеге асырылуына белсендi түрде тартылуға тиiс, өйткенi олар сумен жабдықтауға және санитарияға ортақ жауап бередi. Мұндайлар, атап айтқанда: Денсаулық сақтау министрлiгi жанындағы Санитарлық-эпидемиологиялық бақылау комитетi, облыстық әкiмдiктер, Геология және жер қойнауын пайдалану комитетi (жерасты сулары) болып табылады.
      Жобаның дайындық сатысында МДМ-ға қол жеткiзудiң бағдарламасын әзiрлеу бойынша екi жұмыс құжаты дайындалды. Құжаттарда бағдарламаның қаралуға қажеттi құрамдас бөлiктерi, бағдарламаны дайындаудағы кезеңдер сипатталады, сондай-ақ бағдарламаны дайындаудың кестесi келтiрiледi. Бағдарламаны дайындау жөнiндегi жұмыстардың жалпы жоспары мен кестесi төменде келтiрiлген.
      3.3.1. Тұтастай алғанда мiндеттердi шешу тәсiлi мыналарды қамтиды:
      қалалар мен ауылдардағы (облыстар бойынша) сумен жабдықтауға және санитарияға қатысты қазiргi жағдайды бағалау, сондай-ақ ұйымдастырушылық сипатындағы проблемаларды айқындау;
      сумен жабдықтау және санитария жөнiндегi МДМ-ға қол жеткiзу үшiн не қажет екендiгiн анықтау, оның iшiнде ұйымдастыру сипатындағы мәселелердi айқындау, атап айтқанда:
      1) бағдарламаның жүзеге асырылуы үшiн толық жауапкершiлiктi қандай ұйым алады;
      2) МДМ-ны жүзеге асыруға жұмылдырылған әр түрлi ұйымдардың әлеуетiн арттырудың қажеттiлiгi қандай және оларды шешудiң қандай тетiктерi бар;
      3) iс-қимылдарды жүзеге асыру кезiнде қандай басымдықтар мен нақты қадамдар бар (облыстар бойынша);
      4) нақты жобалар қандай;
      5) шығындардың есебi;
      6) қаржылық бағалау;
      7) прогрестi бағалау үшiн орындау көрсеткiштерiн және негiзгi кезеңдердi әзiрлеу.
      3.3.2. Бағдарламаны әзiрлеу жөнiндегi жұмыс жоспарының негiзгi кезеңдерi:
      1) 2005 жылғы қазан - сумен жабдықтауға және санитарияға елеулi қол жеткiзудi сандық тұрғыдан айқындау жүзеге асырылды;
      2) 2005 жылғы қыркүйек - 2015 жылға жоспарланған көрсеткiштер айқындалды;
      3) 2005 жылғы қазан - МДМ-ға қол жеткiзуге арналған ықтимал жобаларды бағалау және шығындарды есептеу жүзеге асырылды;
      4) 2005 жылғы желтоқсан - МДМ-ға қол жеткізу үшін жобалар іріктірілдi;
      5) 2006 жылғы ақпан - қаржыландыру мәселелерiн қарау үшiн жобалардың пакеттерi әзiрлендi;
      6) 2006 жылғы мамыр - сумен жабдықтау және санитария жөнiндегi МДМ-ны қаржыландыру жолдары айқындалды;
      7) 2006 жылғы мамыр - басқа да басқарушылық және әкiмшiлiк аспектiлер айқындалды;
      8) 2006 жылғы қазан - бағдарламаның алдын ала нұсқасы;
      9) 2006 жылғы желтоқсан - бағдарламаның түпкілікті нұсқасы.
      МДМ бойынша жаhандық шолу 2005 жылғы қыркүйекте БҰҰ-ның Бас Ассамблеясының отырысында өткiзiледi. Қазақстан үшін бұл кездесу Сумен жабдықтау және санитария бойынша МДМ-ға қол жеткізу бағдарламасының әзiрлеу сатысында екендiгiн хабарлау мүмкiндiгi болады.
      3.3.3. МДМ-ға қол жеткiзу үшiн қажеттi негізгі алғышарттар:
      1) қаржыландыру - Сумен жабдықтау және санитария бойынша МДМ-ға қол жеткiзу көп шығысты қажет етедi. Алайда, әр түрлі халықаралық келiсiмдер арқылы, үкiметтер МДМ-ға қол жеткiзу жөнiндегі міндеттемелер сияқты, халық үшiн таза суға қол жеткiзудi қамтамасыз ету жөнінде міндеттеме алды. Бұрын Қазақстанда сумен жабдықтау және санитария саласында бағдарламалар жеткiлiксiз қаржыландырылып келдi. МДМ-ға қол жеткізу үшiн Қазақстанға жеткiлiктi қаржыландыруды көздеу қажет.
      2) Экономика және бюджеттiк жоспарлау министрлiгiнiң қатысуы -  қаржыландыру мәселесiмен байланысты, бiрақ мұнда әңгіме күрделi қаржы шығындары туралы ғана болып отырған жоқ. МДМ-ға қол жеткiзу тұрақты сипатта болуға тиiс; инфрақұрылым туралы айтқанда бұл жүйенi шексiз ұзақ уақыт пайдалану үшiн ақшалай қаражатты жеткiлiктiлiгiн білдiредi. Бұл cумен жабдықтауды және санитарияны қаржыландыруда, тарифтердi есептеу және төлемдердi өндiрiп алу әдiстемелерiне өзгерістер енгізуді талап етедi. Бұл - бағдарламаны жүзеге асыру үшiн шешiлуге тиiс басты элемент.
      3) атқарушы органдардың әлеуетi - ауылдық жерлерде сумен жабдықтау жөнiндегi жобаларды негiзiнен жергілікті әкiмшiлiктер, ал қалаларда - Су арналары жүзеге асырады. Олардың мұндай жобаларды жүзеге асыру әлеуетi мен қабiлетiн Жоба бағалайтын болады. Әлеуеттің қазiргi әлсiз деңгейi МДМ-ның СЖС жөнiндегi бағдарламасын жүзеге асыру кезiнде айтарлықтай кедергi болуы мүмкiн.
      4) Қазақстан Yкiметiнiң жауапкершiлiк алуы - СРК қаржыландыру және басқа да жергiлiктi немесе республикалық мемлекеттік ұйымдармен үйлестіру мәселелерiнде Үкiметтiң айтарлықтай қолдауынсыз бағдарламаны жүзеге асыра алмайды. МДМ-ға қол жеткiзу бүкiл ел бойынша бiрлескен күш-жiгердi талап етедi және Yкiмет маңызды қолдау көрсетуге тиiс болады.
      3.4. 4-нәтиже - өңiрлiк және ұлттық деңгейлерде ынтымақтастық пен әрiптестiктi нығайту. Қазақстанда және Орталық Азия өңiрiнде су ресурстарын басқару саласындағы негiзгi проблема - бұл су ресурстарын басқаруға тартылған әр түрлi министрлiктердiң, ұйымдар мен елдердiң арасында үйлестiру мен ынтымақтастықтың жетiмсiздiгi.
      Жоба iске асырылатын мiндеттердiң шеңберiнде ведомстволар арасындағы үйлестiрудi жақсартуға ықпал ететiн болады.
      Жоба сондай-ақ Қазақстанның және өңiрдiң басқа да елдерiнiң су шаруашылығы мамандарын оқытуды ұйымдастыра отырып, өңiрлiк деңгейде қолданылады, бұл бiр мезгiлде бiлiм алу және тәжiрибе алмасу болып табылады. Жоба ЖСӘ-нiң өңiрлiк және халықаралық iс-шараларға да, сондай-ақ су басқару тақырыбына арналған басқа да конференцияларға, симпозиумдарға, дөңгелек үстелдерге, семинарларға, тренингiлерге және басқа да оқиғаларға қатысады.
      Жоба қажетсiз қайталама iс-әрекеттердi болдырмау үшiн басқа да донорлық ұйымдар мен YЕҰ-ның бағдарламалары мен жобаларын да үйлестiредi. Бұл әртүрлi ұйымдардың өкiлдерiмен тұрақты кездесулер және олардың арасына жобалық ақпарат тарату арқылы жүзеге асырылатын болады. Жоба ақпараттың таралуына ықпал ету үшiн өзiнiң веб-сайтын ашты (www.voda.kz).
      4. Нәтижелердiң арасындағы өзара байланыс
      Жоғарыда санамаланған төрт мақсат өзара байланысты. Сумен жабдықтау және санитария жөнiндегi МДМ-ға қол жеткiзу су ресурстарын тиiмдi басқаруды талап етедi және МДМ-ға сумен жабдықтау және санитария бойынша қол жеткiзу бағдарламасы нақты мәселелер бойынша СРББҰЖ-ға сiлтеме жасайды. БК құру - бұл су ресурстарын басқаруда мүдделi тараптардың қатысуын күшейтудiң құралы, бұл СРББ қағидаттарының бiрi болып табылады, демек, БК Қазақстанда СРББ қағидаттарын енгiзу ретiнде СРББҰЖ әзiрлеумен қатар құрылады. Жобаның кез келген бiр мақсатына қол жеткiзу кезiндегi жұмылдырылған әр түрлi ұйымдардың арасындағы ынтымақтастықты күшейту және әрiптестiктер құру бiр мезгiлде қажеттi алғышарт әрi маңызды нәтиже болып табылады.
      Жобаның негiзгi үш мақсатына қол жеткiзу Қазақстанды СРББ практикасын қабылдауда, мүдделi тараптардың су ресурстарын басқаруға қатысуында және сумен жабдықтау және санитария жөнiндегi МДМ-ға қол жеткiзуде көшбасшы ете отырып, сол арқылы бүкiл өңiр үшiн жаңалық болып табылады.
      СРК, БСБ, ГЖПК, су шаруашылығы мекемелерi, су секторындағы мүдделi үкiметтiк және үкiметтiк емес тараптар, су пайдаланушылар қауымдастықтары (бұдан әрi - СПҚ) және басқа да жергiлiктi ұйымдар жобаның бенефициарлары болып табылады.
      Ақпараттар мен деректердi жинау және алмасу құралдары ретiнде ақпараттық-коммуникациялық технологияларды қолдану Жобаның қосымша ерекшелiгi болып табылады. Бұл су ресурстарын басқару жөнiндегi ұлттық ақпараттық желi құру арқылы мүмкiн болады, бұл ақыр аяғында, барлық БСБ-ларды және Су ресурстары жөнiндегi комитеттi өзара байланыстырады. Бұл ақпараттық желi су шаруашылығы ұйымдарының арасындағы ақпараттың ұйымдастырылған ағынына, сондай-ақ су саясатын әзiрлеуде бiрлескен тәсiлге ықпал ететiн болады. Су шаруашылығы жөнiндегi ұлттық-ақпараттық-талдау орталығын (СШ ҰАО) құру қажеттiгi СРББҰЖ-да көзделетiн болады. СРББҰЖ ережелерiн iске асыру үшiн СШ ҰАО-ны құру және дамыту кезiнде СШ ҰАО мен қазiргi кезде құрылып жатқан Қоршаған ортаны қорғау министрлiгi қоршаған орта мен табиғи ресурстарды қорғаудың бiрыңғай мемлекеттiк мониторингi жүйесiнiң (Қоршағанортаминi БММЖ) және басқа да ведомстволық ақпараттық жүйелер мен дерекқорлардың арасында талап етiлетiн ақпарат алмасу регламентiн айқындау жолымен Қоршағанортаминi БММЖ-мен оның байланысы көзделетiн болады.
      Жоба БҰҰДБ-ның елдер үшiн 2005-2009 жылдарға арналған Бағдарламалық құжатының қарастыратын мәнi болып табылатын негiзгi салаларды, атап айтқанда: 1) ұлттық дамуды жоспарлауда орнықты дамуға жан-жақты тәсiлдi бiрiктiрудi, 2) МДМ-ның жоспарлы көрсеткiштерiне қол жеткiзуде және прогрестi мониторингтеуде ұлттық мүмкiндiктердi күшейтудi, 3) табиғи ресурстарды орнықты басқаруға жәрдемдесудi қамтиды.

3-бап. Басқару схемасы

      1. Жобаны басқару схемасы - ұлттық деңгейдегi атқару (бұдан әрi - NEX). СРК жобаның жоспарланған барлық төрт нәтижесiне қол жеткiзуге жауапты негiзгi атқарушы болып табылады. Жобаның дайындалу сатысында СРК төрағасының орынбасары Жобаның ұлттық директоры болып тағайындалды.
      Жобаның дайындалу сатысы шеңберiнде Жобаның басшысынан, шетелдiк техникалық консультанттан және қаржы/әкiмшiлiк ассистентiнен тұратын Жобаны iске асыру тобы (ЖIТ) құрылды. Жобаны толық ауқымда iске асыру кезiнде ЖIТ-ке сарапшылардың үш жұмыс тобының жетекшiлерi де кiредi. ЖIТ-тiң кеңсесi Алматыда орналасқан. Жобаның басшысы жобаның Қазақстандағы және Орталық Азиядағы СРББ-лар бойынша бар басқа да жобалармен жұмыс деңгейiнде үйлестiруге жауапты болады және Жобаның ұлттық директорына және Қазақстандағы БҰҰДБ бағдарламалары мен жобалары жөнiндегi аға ассистентке есеп бередi.
      Тиiстi министрлiктердiң СРББҰЖ-дi әзiрлеуге және оны жүзеге асыруға қатысуын қамтамасыз ету мақсатында Ведомствоаралық жұмыс тобы (ВЖТ) ұйымдастырылатын болады. ВЖТ Жобаның негiзгi үш нәтижесiне қол жеткiзуге қажеттi ведомоствоаралық үйлестiруге жауап бередi. Бұл (1) СРББҰЖ және МДМ-ға сумен жабдықтау мен бағдарлама бойынша қол жеткiзу бағдарламасын әзiрлеудi, олардың тиiстi қаржыландырылуын, Үкiметтiң мақұлдауы мен жүзеге асыру мониторингiн; (2) БК құруды бiлдiредi.
      Сарапшылардың жұмыс топтары (ЖТ) жобаның үш мақсаты бойынша құрылатын болады. Әрбiр ЖТ-ны атқарушылық деңгейде бiр сарапшы басқарады. Бұл адамдар мердiгерлердiң жұмысын бақылауды қоса алғанда, күтiлетiн мақсаттарға тиiмдi қол жеткiзуге қажеттi барлық мiндеттерге басшылық жасауға жауапты болады. Олар Жобаның басшысына есеп бередi. ЖТ-ны кеңесшiлiк деңгейде ЖТ отырыстарының реттеушiсi де болып табылатын СРК өкiлi (Төраға орынбасарының деңгейi) басқарады. Бұл негiзгi үш нәтиженi алуда СРК-нiң айтарлықтай қатысуын қамтамасыз етедi.
      Жоба бойынша жұмыстар тендерлер негiзiндегi келiсiм-шарттар бойынша жүргiзiлетiн болады. Жоба барлық маңызды үкiметтiк мекемелермен, жергiлiктi қоғамдық және үкiметтiк емес ұйымдармен, сондай-ақ өңiрдегi басқа да жобалармен тығыз үйлестiк пен ынтымақтастықта жүзеге асырылатын болады.
      БҰҰДБ-ның Қазақстандағы кеңсесi Жобаны iске асыруға белсене қатысады. БҰҰДБ Жобаның жүзеге асырылуын және жоспарланған нәтижелерге қол жеткiзудi бақылайды және Жоба қаражатының тиiсiнше жұмсалуын қамтамасыз етедi. Оның үстiне, БҰҰДБ техникалық қолдауды қамтамасыз етедi, ол мыналарды қамтиды, бiрақ бұлармен шектелмейдi: Жобаның персоналымен, сарапшыларымен және қосалқы мердiгерлерiмен келiсiм-шарттар жасасу, жабдықтар сатып алу және тағы басқа. Ұлттық атқару жобаларын (NЕХ) орындау үшiн қаржы рәсiмдерi, есеп беру және тексерулер ұлттық талаптарға және БҰҰДБ-ның белгiленген ережелерi мен рәсiмдерiне сәйкес орындалады.
      Осы жобалық құжатқа негiзгi халықаралық және ұлттық кеңесшi/сарапшылардың Техникалық мiндеттерi қоса тiркеледi.
      2. Әрбiр әрiптестiң жауапкершiлiгi мен рөлi:
      1) СРК СРББҰЖ мен сумен жабдықтау және санитария жөнiндегi МДМ-ға қол жеткiзу стратегиясы үшiн түпкiлiктi жауапкершiлiкте болады. Қазақстан Yкiметi СРББҰЖ мен сумен жабдықтау және санитария жөнiндегi МДМ-ға қол жеткiзу бағдарламасының бекiтiлiп, iске асырылуы үшiн түпкiлiктi жауапкершiлiкте болады, бұл тиiстi қаржыландыруды және жұмылдырылған әр түрлi мемлекеттiк ұйымдар бойынша ұйымдастыру шараларын қабылдауды қамтиды. СРК қажеттi басқару құралдарының болуын қамтамасыз ету үшiн заңдарға тиiстi түзетулердi әзiрлеуде Үкiметпен және министрлiктермен бiрге жұмыс iстейтiн болады.
      2) Норвегия Үкiметi оның кедейшiлiктi азайту жөнiндегi бастамаларға және СРББ жөнiндегi бағдарламаларға көмек көрсетудегi тарихын, сондай-ақ МДМ-ға қол жеткiзудiң маңызды шарты ретiндегi су ресурстарын басқару саласындағы 2005 жылғы мақсаттарға қол жеткiзу прогресiн жеделдету бойынша алынған мiндеттемелердi назарға ала отырып - жобаға одан әрi қаржыландыру ұсынуға мiндеттенедi.
      3) ЖСӘ қаржыгерлермен консультациялар жасасу және өңiрлiк деңгейде байланыс ұстау үдерiсiн жеңiлдетедi, сондай-ақ көпжақты мүдделi топтардың бiрiгуiне көмектеседi, СРББ қағидаттарына техникалық үлес қосуды қамтамасыз етедi, мүмкiндiктердi күшейту жөнiндегi жұмыс сессияларын және СРББ-ны жоспарлау бойынша кәсiптiк деңгейдегi симпозиумдар мен саяси деңгейдегi симпозиум ұйымдастырады. Олардың жұмысына ЖСӘ консультанттар жiберетiн және Қазақстан үшiн Су ресурстарын бiрлесiп басқару жөнiндегi ұлттық жоспарды әзiрлеуге әкелетiн әр түрлi кезеңдерде үйлестiрудi жүзеге асыратын болады. ЖСӘ кейбiр iс-шараларды бiрлесiп жоспарлау мақсатында жобаға жыл сайын халықаралық және өңiрлiк деңгейдегi iс-шаралардың жоспарын ұсынуы жоспарланып отыр.
      4. БҰҰДБ МДМ-ға қол жеткiзудi және Ұлттық жоспарлар мен бағдарламаларда СРББ қағидаттарын қолдануды күшейтудi үйлестiруде Қазақстан Yкiметiне қолдау көрсетiп отырады. БҰҰДБ жобаның жүзеге асырылуына және мүдделi тараптардың арасында серiктестiктер құруға мүмкiндiк туғызады. БҰҰДБ-ның да әлеуеттi арттыру бойынша бағдарламаларды басқаруда және жүзеге асыруда жеткiлiктi тәжiрибесi мен мүмкiндiгi бар. Әлеуеттi арттырудағы көмек әртүрлi тренингтер өткiзу, сондай-ақ БҰҰДБ бағдарламасы болып табылатын әлеуеттi арттыру желiсi (CAPNET) арқылы көрсетiледi. СРК және БСБ өкiлдерiне арналып жобаны жүзеге асырудың барлық сатысында қажеттi ақпараттары бар тренингтер, бағдарламалар мен семинарлар өткiзiледi.
      Тараптар жобаның құрылымын өзгертудi, сарапшылар топтарын бекiтудi немесе қайта ұйымдастыруды, жобаға жұмысқа қабылдауды немесе жоба қызметкерiн жұмыстан шығаруды бiржақты түрде жасай алмайды. Сарапшылар тобы тек белгiленген техникалық тапсырмаға және жұмыс жоспарына сәйкес қана жұмыс iстейтiн болады.

4-бап. Мониторинг және бағалау

      1. Жоба мониторингiн жобаның тиiмдi әрi уақтылы орындалуын қамтамасыз етуге арналған мониторинг және бағалау бойынша БҰҰДБ әдiстемелерiне сәйкес СРК өкiлдерiмен бiрлесе отырып БҰҰДБ кеңсесi жүзеге асырады. Сондай-ақ басқа серiктестер де қатыстырылады.
      2. Жоба жетекшiсi жоба серiктестерiмен келiсiлген және Жобаны басқару жөнiндегi комитет (ЖБК) мақұлдаған егжей-тегжейлi жұмыс жоспарын дайындайды. Бұл жоспар жоспарлаудың, үйлестiру мен мониторингтiң негiзi болады.
      FCC мен Жобаның жетекшiсi БҰҰДБ-ның есептiлiкке қоятын талаптарына сәйкес уақтылы деректер жинау, ақпарат ағыны және есептердi ұсыну үшiн жауапкершiлiкте болады. FCC келiсiлген жұмыс жоспарына сәйкес жобаның орындалуы жөнiндегi күнделiктi жұмыс үшiн жауап бередi.
      3. ЖБК Жоба мониторингi үшiн құрылады. ЖБК СРК, ҒСС және БҰҰДБ өкiлдерiн қамтиды. ЖБК отырыстары жоспарланған нәтижелер бойынша Жобаның қол жеткiзген прогресiн бағалауды жүргiзу және жобаның орындалуы бойынша стратегиялық ұсынымдар беру мақсатында кемiнде жылына екi рет өткiзiледi. Жобаның ұлттық директоры ЖБК отырыстарында төрағалық етедi. БҰҰДБ бағдарламалары мен жобалары бойынша аға ассистент және БҰҰДБ-ның тартылған басқа да қызметкерлерi ЖБК-да БҰҰДБ-ны бiлдiредi. Жобаның жетекшiсi ЖБК шешiмдерiнiң орындалуына жауап бередi, сондай-ақ Жобаның барлық аспектiлерiнiң орындалу прогресi бойынша ЖБК-ға есеп бередi.
      4. Жобаның жоспарланған мiндеттерiнiң орындалуындағы оның прогресiн бақылау үшiн осы бөлiмнiң соңында келтiрiлген индикаторлар мен тәуекелдер кестесiнде көрсетiлген индикаторлардың жиынтығы қолданылатын болады. Мониторинг, деректер жинау мен жобаның орындалуын бағалауды қоса алғанда, үздiксiз болады және жобаның орындалу процесiн реттеу қызметiн қарау, орындау және бағалау үшiн Жобаның негiзгi штатының мерзiмдi кездесулерiн қамтиды. Жобаның штаты, уақытша тартылған сарапшылар мен басқа да қосалқы мердiгерлер индикаторлар туралы деректер жинауға көмектеседi.
      5. Жобаның орындалуының барлық аспектiлерiн бейнелейтiн, қол жеткен нәтижелер туралы тоқсан сайынғы есептердi жобаның жетекшiсi дайындайды әрi оны қарау және ұсыным жасау үшiн ЖБК-ға ұсынады.
      6. Жоба бойынша жыл сайынғы баяндамаларды (ЖБ) жобаның жетекшiсi дайындайды және жауапты серiктесi арқылы ЖБК-ға ұсынады. БҰҰДБ форматында дайындалған ЖБ-да жобаның орындалуына, жоба мiндеттерiне қол жеткiзу мәртебесiне және күтiлетiн нәтижелердi iске асыруға олардың қосқан үлестерiне баға берiледi.
      Бұдан басқа, БҰҰДБ штатының жоба жүзеге асырылатын жерге жыл сайынғы шығуы жолға қойылады. Жоба бойынша түпкiлiктi есеп белгiленген нәтижелерге қол жеткiзу прогресiн бағалау үшiн дайындалатын болады.
      7. Жоба үкiмет өкiлi немесе СРК-мен келiсе отырып, БҰҰДБ жалдаған тәуелсiз аудитор өткiзетiн жыл сайынғы аудитке түседi.
      8. Ұлттық және халықаралық сарапшылар топтары индикаторлар негiзiнде жобаның нәтижелерiне қол жеткiзудi бағалауды жүргiзедi. Жобаның жетекшiсi мен FCC шарттық және есептiк мiндеттемелердi қоса алғанда, осы бағалауды ұйымдастыруға жауап бередi.
      Бақылау төрт нәтиже бойынша Жоба жұмысының күнтiзбелiк жоспарында көрсетiлген белгiлi бiр кезеңдерде орындалатын болады:
      1) СРББ ҰЖ-ны дайындау (2005 жылғы қазан);
      2) Сегiз өзен бассейнi үшiн СРБББЖ-ны дайындау (2007 жылғы наурыз);
      3) Балқаш-Алакөл өзен бассейнiнде БК құру (2005 жылғы шiлде);
      4) басқа жетi БК құру (кейiннен 2007 жылға дейiн қолдаумен 2006 жылдың соңы);
      5) Сумен жабдықтау және санитария бойынша МДМ-ға қол жеткiзу стратегиясын дайындау (2006 жылғы желтоқсан).
      9. Жобаның жетекшiсi орындаушы агенттiкке Жобаны iске асыру барысында нақты пайдаланылған сома туралы мәлiметтердi ұсынатын болады.

5-бап. Құқықтық сипаты

      1. Бұл жобалық құжат Қазақстан Республикасының Үкiметi мен Бiрiккен Ұлттар Ұйымының Даму бағдарламасы арасындағы, тараптар 1994 жылғы 4 қазанда қол қойған Қолдау көрсету туралы стандартты базалық келiсiмнiң N 1 бабында айтылатын құрал болып табылады.
      2. Осы жобалық құжат Тұрақты өкiлдiң шешiмiмен және басқа да қол қойған тараптардың өзгерiстер мен толықтырулар енгiзуге келiсiм беруiмен өзгертiлуi мүмкiн. Ықтимал өзгерiстер мен толықтырулар төменде көрсетiлген:
      1) жобалық құжатты тексеру немесе осы құжатқа кез келген түрдегi қосымшалардың толықтырылуы;
      2) жұмыстың қысқа мерзiмдi мақсаттарына, нәтижелерiне немесе жобаның iс-шараларына айтарлықтай өзгерiс әкелмейтiн, бiрақ келiсiлiп қойылған салымдарды қайта бөлуден немесе инфляцияның нәтижесiнде шығыстардың өсуiнен болған жобалық құжатқа енгiзiлетiн түзетулер мен толықтырулар;
      3) Жобаға келiсiлiп қойылған салымдарды кезең-кезеңмен белгiленген бөлудi өзгертетiн немесе инфляция нәтижесiнде бекiтiлген жобалық шығыстардың өсуiн көрсететiн жыл сайынғы мiндеттi түзетулер.
      3. Осы Келiсiм екi данада, қазақ және орыс тiлдерiнде жасалады. Осы Келiсiмнiң осы тiлдердегi мәтiндерiнiң күшi бiрдей.
      4. Келiсiм қол қойылған күнiнен бастап күшiне енедi.
      5. 2006 жылғы "__" ______________ Астана қаласында жасалды.

Қазақстан Республикасы үшiн __________________________________________________ А.Д. Рябцев

Бiрiккен Ұлттар Ұйымының
Даму Бағдарламасы үшiн _______________________________________________________ Юрико Шоджи

Ескертпе:
Аббревиатуралар мен қысқарған сөздердiң толық жазылуы

СПҚ                                 - су пайдаланушылар қауымдастығы
СЖС                                 - сумен жабдықтау және санитария
ОДДС                                - орнықты даму жөнiндегі дүниежүзiлiк
                                      саммит 
БСБ                                   бассейндiк су шаруашылығы басқармасы
СРБББЖ                              - СРББ және суды үнемдеудiң бассейндiк
                                      жоспары 
БК                                  - бассейндiк кеңес
ЖСӘ                                 - жаһандық су әрiптестiгi
ЖIТ                                 - жобаны iске асыру тобы
Қоршағанортаминiнiң                 - Қоршаған ортаны қорғау министрлiгiнiң
БММЖ                                  Қоршаған орта мен ресурстарды
                                      қорғаудың бiрыңғай мемлекеттiк 
                                      мониторинг жүйeci
ЖБ                                  - жылдық баяндама
ID                                  - БҰҰДБ талаптарына сәйкес жоба
                                      ұсынысының нөмiрi
ҰХДМ (DFID)                         - Ұлыбританияның Халықаралық даму                                               министрлiгi
СРББ                                  су ресурстарын бiрiгiп басқару
СРК                                 - Қазақстан Республикасы Ауыл
                                      шаруашылығы министрлiгiнiң Су
                                      ресурстары комитетi
ГЖПК                                - Энергетика және минералдық ресурстар
                                      министрлiгiнiң Геология және жер
                                      қойнауын пайдалану комитетi
ЖБК                                 - жобаны басқару комитетi
ВЖТ                                 - ведомствоаралық жұмыс тобы
МYҒҒ                                - Көпжылдық қаржыландыру құрылымы
NEX                                 - жобаны ұлттық деңгейде атқару
СШ ҰТО                              - су шаруашылығы жөнiндегi ұлттық
                                      ақпараттық-талдау орталығы
СРББСЖ                              - СРББ және суды үнемдеу ұлттық жоспары
НОРВ                                - Норвегия Yкiметi
БҰҰ                                 - Бiрiккен Ұлттар Ұйымы
БҰҰДБ                               - Бiрiккен Ұлттар Ұйымының Қазақстандағы
                                      даму бағдарламасы
СЖТ                                 - сарапшылардың жұмыс тобы
СХСИ                                - Стокгольм Халықаралық су институты
ЕБ                                  - БҰҰДБ елдiк бағдарламасы
МДМ                                 - Мыңжылдықтың даму мақсаттары
UNDAF                               - БҰҰ-ның Қазақстанға даму мақсаттарына
                                      қол жеткiзуге қолдау көрсету жөнiндегi
                                      негiздемелiк бағдарламасы

Қазақстан Республикасының Үкіметі мен Біріккен Ұлттар Ұйымының Даму Бағдарламасы арасындағы "Су ресурстарын бірігіп басқару және Қазақстан Республикасы үшін суды үнемдеу жөніндегі ұлттық жоспар" жобасы бойынша келісімге 1-қосымша

Нәтижелер мен ресурстар құрылымы

Қазақстан Республикасының Үкіметі мен Біріккен Ұлттар Ұйымының Даму Бағдарламасы арасындағы "Су ресурстарын бірігіп басқару және Қазақстан Республикасы үшін суды үнемдеу жөніндегі ұлттық жоспар" жобасы бойынша келісімге 2-қосымша

       Жоба бюджеті: СРББ және Қазақстан үшін суды үнемдеу жөніндегі мемлекеттік жоспар (АҚШ доллары)

       1-ескертпе:
       Конференциялар және дөңгелек үстелдер өткізу үшін Ауыл шаруашылығы министрлігі жобаның барлық орындалу кезеңінде жалпы алғанда 3 күннен 11 рет конференц-залды ұсынып отырады (001 бюджеттік бағдарламасы - 001 кіші бағдарлама).
       бассейндік кеңестер құру бойынша семинарлар мен тренингтер өткізу үшін сегіз бассейндік су шаруашылығы басқармалары жалпы алғанда әрқайсысы 2 күннен 12 рет өздерінің үй-жайларын ұсынып отырады (001 бюджеттік бағдарламасы - 002 кіші бағдарлама)

       Қазақстан Республикасының Үкіметі мен Біріккен Ұлттар Ұйымының Даму Бағдарламасы арасындағы "Су ресурстарын бірігіп басқару және Қазақстан Республикасы үшін суды үнемдеу жөніндегі ұлттық жоспар" жобасы бойынша келісімге 3-қосымша

       Жыл сайынғы жұмыс Жоспары   (ескертпе:   Жоспарларды жыл сайынғы негізде Орындаушы агенттік нақтылайды).

             Қазақстан Республикасының Үкіметі мен Біріккен Ұлттар Ұйымының Даму Бағдарламасы арасындағы "Су ресурстарын бірігіп басқару және Қазақстан Республикасы үшін суды үнемдеу жөніндегі ұлттық жоспар" жобасы бойынша келісімге 4-қосымша

       Жобаны жүзеге асыру кезіндегі индикаторлар мен тәуекелдер кестесі

    Қазақстан Республикасының Үкіметі мен Біріккен Ұлттар Ұйымының Даму Бағдарламасы арасындағы "Су ресурстарын бірігіп басқару және Қазақстан Республикасы үшін суды үнемдеу жөніндегі ұлттық жоспар" жобасы бойынша келісімге
5-қосымша

       Жоба шеңберінде сатып алынған құрал-жабдық туралы ақпарат

       Palintest Ltd. (Англия) компаниясының су сапасын анықтауға арналған құрал-жабдықтардың қысқаша сипаттамасы

      Реактивтер жүйесі (Palintest индикаторлы таблеткалары және Tubetests кюветті реактивтері)

Бюджет:

       Күтілетін нәтиже: Сегіз БСБ құрал-жабдықтарын жеткізу, сондай-ақ БСБ үшін су сапасын анықтау бойынша тренинг өткізу (Астана қаласы, 2005 жылғы қыркүйек)
       Жеткізу кестесі: 2005 жылғы ақпан Фотометр 5000 құрал-жабдықтарын реактивтер жүйесімен сатып алу; 2006 жылғы шілде Фотометр 5000 құрал-жабдықтарын реактивтер жүйесімен барлық БСБ жеткізу.

       ГР-21М айналмалы өлшеу құралын сатып алуға
ТЕХНИКАЛЫҚ ТАПСЫРМА

Ұйымның атауы:              "Су ДКСХ" ЖШС
Орналасқан жерi:           Шымкент қаласы
Бөлiмше:                    Тұрақты Даму үшiн қоршаған орта Басқармасы
Жобаның атауы:             "Қазақстандағы суды үнемдеу және су ресурстарын
                            бiрiгiп басқару жөнiндегi ұлттық жоспар"
Қолданылу мерзiмi:         2006 жылғы 1 наурыз - 1 тамыз
Жоба номерi:              0034289

Негiздеме

      Бiрiккен Ұлттар Ұйымының Даму Бағдарламасының (БҰҰДБ) Жобасы Ғаламдық Су Серiктестiгiмен (ҒСС) бiрлесе отырып, Қазақстандағы су ресурстарын бiрiгiп басқару тәсiлдерiн енгiзуге бағытталған жобалық ұсыныс жасады.
      Бұл дайындық кезеңiнiң мақсаты толық жобалық құжатты (а) және (в) жобаны iске асырудың егжей-тегжейлi жоспарын әзiрлеу арқылы жобаны одан әрi әзiрлеу.
      Бүкiл жобаның мақсаты - бұл Қазақстан су ресурстарын бiрiгiп басқару жөнiндегi ұлттық жоспарды әзiрлеуге көмек, өңiрлiк және ұлттық деңгейлерде тиiстi серiктестердiң мүмкiндiктерiн күшейту және тиiстi бағдарламалар шеңберiнде су мәселелерiне бiрiгiп қолдау жасау.

Мақсаты

      1. Арал-Сырдарья БСБ, Есiл БСБ, Нұра-Сарысу БСБ, Орал-Каспий БСБ, Балқаш-Алакөл БСБ, Тобыл-Торғай БСБ, Шу-Талас БСБ үшiн ГP-21M айналмалы өлшеу құралын алу.
      2. ГP-21M өлшеу құралына қойылатын негiзгi талаптар:
      а) жинақтың толықтылығы;
      б) тарирленгендiгi;
      в) су ағыны жылдамдығының уақыт бойынша орташа өлшеу үшiн жарамдығы

Бюджет

       Күтiлетiн нәтижелер: Арал-Сырдарья БСБ - 2 жинақ, Есiл БСБ - 1 жинақ, Нұра-Сарысу БСБ - 1 жинақ, Орал-Каспий БСБ - 2 жинақ, Балқаш - Алакөл БСБ - 2 жинақ, Тобыл-Торғай БСБ - 1 жинақ, Шу-Талас БСБ - 1 жинақ, ГР-21М өлшеу құралдары 10 жинақ жеткiзу.
       Субординация: Барлық БСБ ГP-21M айналмалы өлшеу құралдарының 10 жинағын жеткiзу, бұл жоба менеджерiнiң және Бассейндiк Кеңес құру бойынша жоба маманының бақылауымен жүргiзiледi.
       Жеткiзу кестесi: 2006 жылғы мамыр - 5 жинақ; 2006 жылғы маусым - 5 жинақ; шiлде - барлық БСБ-ларға ГР-21М айналмалы өлшеу құралдарын тренинг кезiнде беру.
       Қаламақыны төлеу: Бюджетке сәйкес, 50% алдын-ала төлем жүргiзу, екiншi транш 30% және ГР-21М айналмалы өлшеу құралының 10 жинағын ұсыну кезiнде түпкiлiктi есеп жүргiзу.