РҚАО-ның ескертпесі!

      Келісімнің қолданысы тоқтатылды - ҚР 24.12.2014 № 266-V Заңымен.

      Қазақстан Республикасының Үкiметi ҚАУЛЫ ЕТЕДI:

      1. Қоса берiлiп отырған 2005 жылғы 27 қыркүйекте Душанбе қаласында жасалған Еуразия экономикалық қоғамдастығына мүше мемлекеттердiң отын-энергетикалық теңгерiмiн бiрлесiп әзiрлеу туралы келiсiм бекiтiлсiн.

      2. Осы қаулы қол қойылған күнiнен бастап қолданысқа енгiзiледi.

       ___________________________________________________________

      ЕУРАЗИЯ ЭКОНОМИКАЛЫҚ ҚОҒАМДАСТЫҒЫНЫҢ

      МЕМЛЕКЕТАРАЛЫҚ КЕҢЕСI

      ___________________________________________________________

      ШЕШIМ

       2005 жылғы 27 қыркүйек N 239 Душанбе қаласы

      Еуразия экономикалық қоғамдастығына мүше

      мемлекеттердiң отын-энергетикалық теңгерiмiн бiрлесiп

      әзiрлеу жөнiндегі келiсiм туралы

      Еуразия экономикалық қоғамдастығының мемлекетаралық кеңесi (үкiмет басшыларының деңгейiнде)

      шештi :

      Еуразия экономикалық қоғамдастығына мүше мемлекеттердiң отын-энергетикалық теңгерiмiн бiрлесiп әзiрлеу туралы келiсiм қабылдансын (қоса берiлiп отыр).

      ЕурАзЭҚ-тың мемлекетаралық кеңесiнiң мүшелерi:

       Беларусь Қазақстан Қырғыз

       Республикасынан Республикасынан Республикасынан

       Ресей Тәжікстан

       Федерациясынан Республикасынан

Еуразия экономикалық қоғамдастығына мүше мемлекеттердiң
отын-энергетикалық теңгерiмiн бiрлесiп әзiрлеу туралы
келiсiм

      Бұдан әрi Тараптар деп аталатын, Еуразия экономикалық қоғамдастығына мүше мемлекеттердiң Үкiметтерi,

      1999 жылғы 26 ақпандағы Кеден одағы және Бiрыңғай экономикалық кеңiстiк туралы шарттың және 2000 жылғы 10 қазандағы Еуразия экономикалық қоғамдастығын құру туралы шарттың ережелерiн басшылыққа ала отырып,

      Еуразия экономикалық қоғамдастығына мүше мемлекеттердiң (бұдан әрi - ЕурАзЭҚ) өзара толықтырылатын отын-энергетикалық кешендерiн бiрiктiруге және оның артықшылықтарын ұлттық экономиканы дамытуға тиiмдi пайдалануға өзара ұмтылысын ескере отырып,

      ЕурАзЭҚ-қа мүше мемлекеттердiң отын-энергетикалық ресурстары iшкi рыногының сұранысы мен ұсыныстарының теңгерiмдiлiгiн қамтамасыз ету, осы ресурстардың өзара тиiмдi мемлекетаралық жеткiзiлiмдерiн кеңейту мақсатында,

      1996 жылғы 29 наурыздағы Экономикалық және гуманитарлық салалардағы интеграцияны тереңдету туралы шартқа қатысушы мемлекеттер арасындағы энергетикалық жүйелердiң өзара ынтымақтастығы туралы 1998 жылғы 24 қарашадағы келiсiмнiң ережелерiн iске асыра отырып,

      төмендегілер туралы келiстi:

1-бап

      Осы Келiсiмнiң мақсаттары үшiн төменде келтiрiлген ұғымдар мен терминдер мынаны бiлдiредi:

      "бiрлескен отын-энергетикалық теңгерiм" - ЕурАзЭҚ-қа мүше мемлекеттердiң отын-энергетикалық ресурстарын өндiрудi, iшкi рынокта тұтынуды, олардың экспорты мен импортын сипаттайтын көрсеткiштер жүйесi;

      "ұлттық отын-энергетикалық теңгерiм" - ЕурАзЭҚ-қа мүше мемлекеттердiң отын-энергетикалық ресурстарын өндiрудi, iшкi рынокта тұтынуды, олардың экспорты мен импортын сипаттайтын көрсеткiштер жүйесi;

      "Тараптардың құзыретті органдары":

      Беларусь Республикасынан - Беларусь Республикасының Экономика министрлiгi мен Энергетика министрлiгі;

      Қазақстан Республикасынан - Қазақстан Республикасы Энергетика және минералдық ресурстар министрлiгi;

      Қырғыз Республикасынан - Қырғыз Республикасы Үкiметiнiң жанындағы Энергетика жөнiндегi мемлекеттiк агенттiгi;

      Ресей Федерациясынан - Ресей Федерациясының Өнеркәсiп және энергетика министрлiгi;

      Тәжiкстан Республикасынан - Тәжiкстан Республикасының Энергетика министрлiгi.

2-бап

      Бiрлескен отын-энергетикалық теңгерiм, ЕурАзЭҚ iшкi рыногының отын-энергетикалық ресурстарға деген қажеттiлiктерiн қамтамасыз ету жолдарын оңтайландыруға, осы ресурстарды мемлекетаралық жеткiзiлiмдер үшiн қолайлы жағдайлар жасау арқылы оның сұранысы мен ұсыныстарын теңгерiмдеуге мүмкiндiк беретiн орта мерзiмдiк кезеңге (3 - 5 жыл) әзiрленедi.

3-бап

      Ұлттық отын-энергетикалық теңгерiмдер мен бiрлескен отын-энергетикалық теңгерiм осы Келiсiмге 1-қосымшада көрсетiлген тiзбеге сәйкес отын-энергетикалық ресурстардың түрлерi бойынша әзiрленедi.

4-бап

      Бiрлескен отын-энергетикалық теңгерiмдi әзiрлеу Тараптар жасаған ұлттық отын-энергетикалық теңгерiмдердiң негiзiнде жүзеге асырылады. Тараптар жыл сайын 30 қарашаға дейiн ЕурАзЭҚ Интеграциялық Комитетiнiң Хатшылығына осы Келiсiмге 2-қосымшада көрсетiлген нысан бойынша есептi кезең iшiндегi, сондай-ақ ағымдағы және болжалды жылдарға арналған ұлттық отын-энергетикалық теңгерiмдердi ұсынады.

5-бап

      ЕурАзЭҚ Интеграциялық Комитетiнiң Хатшылығы ЕурАзЭҚ Интеграциялық Комитетiнiң жанындағы Энергетикалық саясат жөнiндегi кеңеспен бiрлесiп Тараптардың құзыреттi органдары берген ақпараттың негiзiнде 3-қосымшаға сәйкес нысан бойынша бiрлескен отын-энергетикалық теңгерiм мен оған түсiндiрме жазбаны, ЕурАзЭҚ iшкi рыногының отын-энергетикалық ресурстарға деген сұраныстарын қамтамасыз ету жөнiндегi ұсыныстарды дайындайды.

      Бiрлескен отын-энергетикалық теңгерiм мен оған түсiндiрме жазба ЕурАзЭҚ Мемлекетаралық Кеңесiнiң ЕурАзЭҚ iшкi рыногының теңгерiмдiлігі жөнiндегi шешiмiнiң жобасымен бiрге жыл сайын 1 наурыздан кешiктiрмей белгіленген тәртiппен ЕурАзЭҚ Мемлекетаралық Кеңесiнiң (үкiмет басшылары деңгейiнде) қарауына енгiзiледi.

6-бап

      Тараптардың құзыреттi органдарының бiрлескен отын-энергетикалық теңгерiмiн әзiрлеу жөнiндегi қызметiн үйлестiрудi ЕурАзЭҚ Интеграциялық Комитетiнiң жанындағы Энергетикалық саясат жөнiндегi кеңес жүзеге асырады.

7-бап

      Тараптардың өзара келiсiм бойынша осы Келiсiмге өзгерiстер мен толықтырулар енгізiлуi мүмкiн, олар осы Келiсiмнiң 10-бабында көзделген тәртiппен күшiне енетiн жеке хаттамалармен ресiмделедi.

      Осы Келiсiмнiң ережелерi Тараптардың қатысушылары Тараптар болып табылатын басқа да халықаралық келiсiмдерден туындайтын құқықтары мен мiндеттемелерiн қозғамайды.

8-бап

      Осы Келiсiмдi қолдануға немесе түсiндiруге байланысты даулы мәселелер Тараптардың арасындағы консультациялар және келiссөздер жолымен шешiледi, ал келiсiмге қол жеткiзiлмеген жағдайда дауды ЕурАзЭҚ-тың Соты қарайды.

9-бап

      ЕурАзЭҚ-тың Интеграциялық Комитетi осы Келiсiмнiң депозитарийi болып табылады.

10-бап

      Осы Келiсiм Тараптардың, оның күшiне енуi үшiн қажеттi мемлекетiшiлiк рәсiмдердi орындағаны туралы соңғы жазбаша хабарламасын депозитарийдiң алған күнiнен бастап күшiне енедi.

      Әрбiр Тарап бұл туралы осы Келiсiмнен шыққанға дейiн депозитарийге жазбаша хабарлама жiбере отырып одан шыға алады.

      Осы Келiсiмнiң бұл Тарапқа қатысты қолданылуы депозитарийдiң осындай хабарламаны алған күнiнен бастап алты ай өткеннен кейiн тоқтатылады.

      2005 жылғы "___" ______________ _____________ қаласында орыс тiлiндегi бiр данада жасалды.

      Осы Келiсiмнiң түпнұсқа данасы, оның куәландырылған көшiрмесiн әрбiр Тарапқа жiберетiн ЕурАзЭҚ-тың Интеграциялық Комитетiнде сақталады.

       Беларусь Қазақстан Қырғыз

       Республикасының Республикасының Республикасының

       Үкіметі үшін Үкіметі үшін Үкіметі үшін

       Ресей Тәжікстан

       Федерациясының Республикасының

       Үкіметі үшін Үкіметі үшін

      ЕурАзЭҚ-қа мүше мемлекеттердiң

      бiрлескен және ұлттық отын-энергетикалық

      теңгерiмдерiн жасауға арналған отын-энергетикалық

      ресурстардың тiзбесi

      1. Мұнай, газ конденсатын қоса алғанда

      2. Автомобиль бензинi

      3. Дизель отыны

      4. Отындық мазут

      5. Табиғи және iлеспе газ

      6. Көмiр

      7. Электр энергиясы

       _____________________________________________________

       (ЕурАзЭҚ мүше мемлекеттiң атауы )

       __________________________________20___- 20_____жылдарға арналған

       (энергия ресурсының атауы)

      теңгерiмi

       (өлш. бiр)

      Ресурстар - барлығы,

       оның iшiнде:

      Жеке ресурстар

      Импорт - барлығы,

       оның iшiнде:

      ЕурАзЭҚ-қа

      мүше мемлекеттерден

      - барлығы,

       оның iшiнде:

       Ресей Федерациясынан

      ......................

      өзге мемлекеттерден

      ......................

      Бөлу - барлығы,

       оның iшiнде:

      iшкi рынокқа жеткiзу

      Экспорт - барлығы,

      оның iшiнде:

       ЕурАзЭҚ-қа мүше мемлекеттерге

      барлығы,

       оның iшiнде:

      .....................

      өзге мемлекеттерге - барлығы,

      оның iшiнде:

      ....................

      20___-20__жылдарға арналған ЕурАзЭҚ мүше мемлекеттердiң

       бiрлескен отын-энергетикалық теңгерiмiнiң жобасы

      ________________________________

      (энергия ресурсының атауы)

      Осымен бұл мәтiннiң 2005 жылғы 27 қыркүйекте Душанбе қаласында, Беларусь Республикасының Премьер-Министрi - С.С.Сидорский, Қазақстан Республикасының Премьер-Министрi - Д.К.Ахметов, Қырғыз Республикасы вице-Премьер-Министрiнiң мiндетiн атқарушы - А.К.Мадумаров, Ресей Федерациясы Yкiметiнiң төрағасы - М.Е.Фрадков, Тәжiкстан Республикасының Премьер-Министрi - А.Г.Акилов қол қойған Еуразия экономикалық қоғамдастығы мемлекетаралық кеңесiнiң N 239 шешiмiнiң түпнұсқалылық және толық көшiрмесi болып табылатындығын куәландырамын.

      Түпнұсқа дана Еуразия экономикалық қоғамдастығының Интеграциялық Комитетiнде сақталады.

       ЕурАзЭҚ-тың Бас хатшысы Г.Рапота